غضب بين سكان مدينة الشيخ زايد بسبب قرار مركز الشباب برفع قيمة عضويته الف جنيه

وقد تسبب قرار الزيادة فى غضب بين سكان مدينة الشيخ زايد واصفين هذه الزيادة بأنها مبالغ فيها ولا تناسب الجميع

الأمر الذى دعا عدد من قاطنى المدينة لطرح عدة تسأولات جاء فيها
وجهت سما عادل كلمتها قائلة بأن مراكز الشباب في الأصل مدعمة من الدولة
وإشتراكها المفروض انه رمزي
ولا هي سياسة الوزارة انها تجدد المراكز من جيب المواطنين ؟

غصن الزيتون ؛ هو انتم هتلموا حق تجديد المركز من العضوية مالهوش ميزانية م الوزارة

كماعلقت أ شيماء ربيع معترضين طبعا وبشده كتير زياده رهيبه تزيد بس بالعقل حرام اوى كده دا مركز شباب للزايد يعنى مدعم

وعلق أ عمر جميل قائلا كدة بقى غالى والمفروض انة يجمع الشباب فى مكان يقدروا يمارسوا فية رياضة كدة كانكم بتقولوا للشباب قضوها فى الشوارع والقهاوى ارخص وبعدين نقول هو لية الشباب بقى بلطجية وبيشربوا سجاير او مخدرات مهما مش هيلاقوا منفذ غير الشارع واصحاب السؤ ياريت الاسعار ترجع تانى زى الاول او تكون مناسبة للجميع

شيماء محمد الاشتراك غالى جداااا حتى لو مره فى العمر انا شايفه انكم استعجلتم ع رفع التقديم ع الاقل كنتو تستنو لما المركز يخلص تطويرويبقى ع قد مستوى مركز شباب الجزيره مع انى عضوه فى المركزلكن شايفاه كتير جدااا فى الحياه الصعبه اللى احنا فيها

أ سماح هيبة علقت بأن كدة طبعا الاشتراك عالى جدا على الأسر لأن المفروض مراكز الشباب دى اتعملت بدعم من الدولة علشان الشباب الغير قادرين على الالتحاق بالنوادى الأخرى فالما الاشتراك دة كمان يغلى يبقى نرمى أولادنا بقى فى الشارع يا عنى فهذا قرار خاطئ

وعلق احد الأعضاء كالأتى يعنى ايه حضرتك اﻻشتراك يزيد الزيادة المبالغ فيها ديه تحت مسمى تطوير وتحسين الخدمات والمرافق مع احترام للجميع دا مركز شباب مش نادى من النوادى اللى معظم سكان زايد مش قادرين يدخلوها وﻻا ابنائهم قادرين يمارسوا فيها اى انشطة حتى مركز الشباب استكترتوه علينا نعمل ايه فاوﻻدنا نخليهم يلعبوا فالشارع ويتعرضوا لكل المخاطر وﻻا نحبسهم فالبيت الرحمة بقلوب قد مﻷها الضيق ﻻزم يكون فيه حل سريع

كما قال احد المحاميين بأنه سيقيم دعوى ضد هذا القرار المفاجئ فى ظل لجنة تسيير اعمال وعدم وجود اعضاء مجلس ادارة للمركز بعد حل مجلس ادارته